黃浩然捱到流血暴瘦為養家頂住 因一句話即戒18年煙癮

現年44歲的黃浩然為拍劇可謂搏盡無悔，入行12年，曾在影圈、電視圈努力過，惟一直與視帝無緣，甚至捱到患貝賽特氏症（一種原因不明的血管炎），不但出血暴瘦，更要住院半個月，痛失上位機會。有傳黃浩然一直對此耿耿於懷，加上黃心穎的「安心偷食」事件要重拍《法證先鋒IV》，打亂他預先計劃好的工作，令他意興闌珊，在「杜Sir」杜琪峯拉攏下將會離巢。

昨晚（28日）黃浩然出席活動時否認因不愉快而離巢，澄清與TVB還有合約，但他承認現時與古天樂旗下公司簽了經理人合約，指二人相識20年，1999年和他首次合作，早排傾合作一拍即合：「唔好打爛我飯碗...我對電影仍然有夢，依家算有氣有力，再大啲冇咁嘅力。大家覺得我同古仔冇乜合作，但我哋都有溝通，透過師父杜琪峯有定期聚會見面。」黃浩然又希望影視兩邊走：「早上起身湊仔之後做運動，隨時可以準備挑戰。」話雖如此，黃浩然自從2014年患過大病就全面減產，如今突然搏到盡，不少網民都擔心他又捱到出事。

{{hket:inline-image name="12.jpg"}}{{/hket:inline-image}}

(黃浩然微博)

想當年，黃浩然中學畢業獲杜琪峯發掘，拍攝《十萬火急》，同場還有劉青雲和方中信等，後來拍《孤男寡女》角色戲份算重，可惜未有爆紅。2006年，黃浩然加入TVB拍過多齣受歡迎劇集，如《拳王》、《果欄中的江湖大嫂》，可都與視帝無緣。為此，黃浩然努力劇接劇，說過可一年開365日工，凌晨3點收工，早上6點半就可開工，希望以最短時間拍最多的劇，連父親節都過不到。

{{hket:inline-image name="15.jpg"}}{{/hket:inline-image}}

(黃浩然instagram)

結果2014年，黃浩然患上貝賽特氏症。他接受傳媒訪問時大爆因喉嚨潰爛無法進食、吞嚥，每日只可吊鹽水致暴瘦10幾磅，甚至有出血、失聲、眼睛發炎、視力模糊等症狀：「喉嚨爛晒，條脷出晒血，吞口水都吞唔到，食唔到嘢，瞓覺瞓唔到，嚴重時講唔到嘢。」黃浩然當時向TVB請了幾個星期假留院治療，自嘲如同喪屍。

幸好黃浩然得老婆製作愛心飯盒，其後亦慢愎康復，惟《張保仔》男主角之位就讓給洪永城，連同其他工作失去過百萬收入。黃浩然話《張保仔》雖是很重要的事業里程碑，不過他開始醒覺妻兒比工作更重要。所以病癒後更珍惜健康，還把18年的煙癮戒掉，由一日一包煙到完全不吸：「我老婆同我講咗句毛管戙嘅話：『第日我父母走咗、親人走晒，我最親嘅得番你同2個仔。』聽完我啲眼淚係咁飆。呢個世界冇咗邊個都得，但屋企冇咗我就唔得！」現在4年多過去，黃浩然身體也變得更好：「我無諗咁多，純粹唔食（煙）。唔係迫自己戒，住醫院住咗個幾月，順理成章無食，個人好似乾淨咗。」

{{hket:inline-image name="14.jpg"}}{{/hket:inline-image}}

(黃浩然instagram)

{{hket:inline-image name="13.jpg"}}{{/hket:inline-image}}

(黃浩然instagram)

{{hket:inline-image name="11.jpg"}}{{/hket:inline-image}}

(黃浩然instagram)

撰文：張芷晴